وصفه بالكاذب و عدوّ القرآن : البلّومي يردّ بقوة على سيف مخلوف و يوجّه له هذه الإتهامات

وصفه بالكاذب و عدوّ القرآن : البلّومي يردّ بقوة على سيف مخلوف و يوجّه له هذه الإتهامات

نشر الإعلامي حمزة البلومي تدوينة على صفحته الرسمية بالفايسبوك رد فيها على منشور رئيس كتلة إئتلاف الكرامة في البرلمان سيف مخلوف و الذي أكد فيها إطلاق سراح منوبه المتهم الاساسي في القضية التي عرفت إعلاميا بقضية “مدرسة الرقاب القرآنية” و كان مخلوف قد وصف البلومي بالكاذب وعدو القرآن . و أعتبر صاحب برنامج الحقائق الاربعة أنه تعود عدم الرد على مخلوف محامي الإرهاب حسب تعبير موجها له إتهامات بالتدخل في القضاء و هذا نص التدوينة كاملا:
من مدة لا عاد نعلق على هبلاتو ولا على سبانو… زايد.. وباش انكمل هكا.. هو وامثالو آخر حاجة نضيع فيها وقتي.. والاسباب واضحة.. دولة اللي فيها نصير الارهابيين اللي يقول لقاضي التحقيق كانك راجل أهبطلي يولي نائب وعندو حصانة، اللي الارهابي اللي هو دافع عليه فجر روحو قدام سفارة أمريكيا واستشهد في العملية أمني. دولة اللي عشرات الصغار خرجوهم من القراية و دمغجولهم امخاخهم وزوز منهم أثبت القضاء اغتصابهم من معلميهم في معسكر الرقاب.. الدولة هذي ما عادش نتفاجئ بشيء فيها حتى لو كان تخرج الارهابيين من الحبوسات. والدولة هذي عندو الحق فيها نائب الارهاب يسبني وكي العادة يدعي أني ضد الدين والاسلام والقرآن وغيرو وحتى حد ما يكلمو. هو وامثالو آخر اهتماماتي.. خدمنا ومازلنا باش نخدمو ونكشفو خوركم للتوانسة. وبيناتنا التوانسة اما الباقي مبروك عليكم بما أنكم في السلطة نعرف اللي باش تعملو اللي تحبو : دخلو للحبس اللي تحبو وخرجو منو اللي تحبو ! تنويه : طبعا نعرف قوة ذبابهم الالكتروني الازرق. شيخو رواحكم

تعليقات